شيكا بيكا وبوليتيكا ومقالب أنتيكا
ولا تزعل ولا تحزن ، اضحك برضه يا ويكا
ها ها ها ها .. ع الشيكا بيكا
ولا تزعل ولا تحزن ، اضحك برضه يا ويكا
ها ها ها ها .. ع الشيكا بيكا
أنا بضحك من قلبي يا جماعة
مع إني راح مني ولاعة
وبطاقتي ف جاكتة سرقوها
وغتاتة كمان لهفو الشماعة
وغتاتة كمان لهفو الشماعة
بقيت أرجف م السقعة
لكن بضحك
الضحك ده مزيكا
كهربا علي ميكانيكا
اضحك ع الشيكا بيكا
ها ها ها ها .. ع الشيكا بيكا
لكن بضحك
الضحك ده مزيكا
كهربا علي ميكانيكا
اضحك ع الشيكا بيكا
ها ها ها ها .. ع الشيكا بيكا
أنا راح مني كمان حاجة كبيرة
أكبر من إني أجيب لها سيرة
قلبي بيزغزغ روحه بروحه
علشان يمسح منه التكشيرة
ادعوله ينساها بقي ويضحك
الضحك ده مزيكا
كهربا علي ميكانيكا
اضحك ع الشيكا بيكا
ها ها ها ها .. ع الشيكا بيكا
هتقولي الشيكا بيكا ايه هي ؟
هي الحركات اللي مش هية
الفرقة ، والحرقة ، والغرقة
والزمبة ف البومبة الزرية
فبدال ما نطق يا وله
لأ نضحك
الضحك ده مزيكا
كهربا علي ميكانيكا
اضحك ع الشيكا بيكا
ها ها ها ها .. ع الشيكا بيكا
ـــــــــــــــــــــــــــــــــــــــــــــــــــــــــــــــــــــــــــــــــ
كلمات : صلاح جاهين - من فيلم (المتوحشه) - عام 1979
,,,
,,,
No comments:
Post a Comment