Monday, July 31, 2006

مقاطع مختاره

الليل ده زي عطيل
و كل شئ ديدمونه
( صلاح جاهين - فنان )

المجد للشيطان .. معبود الرياح
من قال "لا" فى وجه من قالوا نعم
من علم الانسان تمزيق العدم
من قال "لا" فلم يمت
و ظل روحا أبدية الألم
( أمل دنقل - كلمات سبارتاكوس الأخيره )

خططت بصباعي
سمكه-وسناره-وبحر
و جميع محاولات البكا
جربتها .. فضحكت
( مجدي الجابري - قصيده للبحر )

لم تك الا عابره
لم تك الا غيمة مرت علي
ترى على من سوف تهوى ممطره ؟
( أحمد عبد المعطي حجازى - عابرة )

زمان بنص كم
زمان بربع كم
و كلكم .. فى أسوره قميص
( عبد الناصر علام - نفس أخير )

ليس للنوافذ عيون
كي تبصر الأحباء
و ليس للمحبة أغطيه كي تحمى العشاق
( رنا التونسى - ذلك البيت الذى تنبعث منه الموسيقى )

يا وجها سوف يجئ
هذا وجهى الطالع من بين جموع الفقراء يغنى لك
هذا المتوهج بعذابات الشوق اليك يضئ
.. هذا وجهى يحمل فى عينيه قصيده عشق سريه
يا قمرا لا يأتى لحوارينا
يا قمرا .. سوف يجئ
( على منصور - معزوفات حزينه على وجه حبيبتى-التوهج )

الشمس .. فاكهه الشتا
و الحب . زهرة الربيع
مين يشترى حكمة حياتى الميته
و يردنى رضيع ؟؟ ..
( سيد حجاب - رباعيه )

6 comments:

bluestone said...

خططت بصباعي
سمكه-وسناره-وبحر
و جميع محاولات البكا
جربتها .. فضحكت
( مجدي الجابري - قصيده للبحر )

بصراحة يا بخته ..
عجبتني جدا واول مرة اقراها


/الشمس .. فاكهه الشتا
و الحب . زهرة الربيع
مين يشترى حكمة حياتى الميته
و يردنى رضيع ؟؟ ..
( سيد حجاب - رباعيه /
والرباعية دي كمان وجعتني قوي .. حبيتها جدا واول مرة تقع عيني عليها

متشكرين يا استاذ على الكلام الجميل

باسم said...

العفو يا ستنا .. انتى تأمري .. بس تفتكرى كل الكلام الجميل اللى ف الدنيا ممكن يغير حاجه من الواقع اللى - قطعا - مش جميل ؟؟ .. أدينا بنحاول نقاوم قبح الواقع بشويه كلام جميل نقراه أو نكتبه

bluestone said...

تسمع عن فلسفة القهوة ؟؟

اقولك ..

فيه فلسفة معرفش إذا كان حد قبلي قالها ولا لا .. لكن انا أؤمن ان الحياة زي القهوة .. مرة قوي بكل اشكالها لكن برضه مابنبطلش نشربها ولا بنزهق منها .. وبرغم ان الاساس واحد وهو البن إلا ان الامر يرجع لك دايما في الاضافات المختلفة .. تحط لها لبن كريمة سكر بطعم البندق او الفانيليا ساقعة سخنة .. انت اللي بتحدد

لكن في النهاية بتشرب نفس القهوة المرة ..

اهو الكلام الجميل ده نوع من انواع الاضافات الخفيفة على القهوة بتاعتنا

باسم said...

صح .. يعنى مثلا أنا بقالى 3 تيام قاعد ف شقه طويله عريضه لوحدى .. أبويا وأمى - اللى أنا عايش معاهم حاليا - عند أخويا الكببير .. هنا أنا - بنظريتك - قهوتى مره .. لكن الكتابه ليكى دلوقتى و صوت وجيه عزيز اللى ف ودانى و صور جيفارا و نجيب سرور و الشيخ أمام و سعاد حسنى اللى معلقهم ع الحيطه هما - بنظريتك برضه - أضافاتى الحقيقيه .. الأضافات دى هيا اللى أنا معتمد عليها .. بعد فشل قصة حبى الأولى و خيبة أمل فى بعض الصحاب شويه خناقات ف البيت .. باعمل بيهم فنجان القهوه اللى باشربه كل يوم الصبح

shady said...

أختياراتك رائعه
شكلك فنان يابنى بجد
هههههههه
مش حنسى تعليقك على فيلم الحالمون عندى
نغشش فى نفوخى

nour said...

ايه الذوق الراقى ده..انت مختار مقطوعات انا بعشقها ..متشكرين يا استاذ:)